എത്ര കാലം കഴിഞ്ഞു
എത്ര യെത്ര കളികൾ കണ്ടു
എത്ര വേഷപ്പകർച്ചകൾ
എത്ര ദ്വേഷ വേഴ്ച്ചകൾ
എത്ര പുലരികൾ തെളിഞ്ഞു
എത്ര സന്ധ്യകളിരുണ്ടു
എത്ര ഋതു സംഗമങ്ങൾ
എത്ര സംഘാതങ്ങൾ
പരിചരണ മാർന്ന ബാല്യങ്ങൾ
അപരിമേയ സ്നേഹങ്ങൾ
ചപല മാർന്ന സംസാരങ്ങൾ
സമുന്നത മാർന്ന സംസ്ക്കാരങ്ങൾ
മരണ പാദ പതനമിതാ
മടിയാതെ വരുന്നുണ്ട്
ദാനമാർന്ന ജീവിതത്തിൻ
ദിന മെന്റെ തൊടുങ്ങാറായ്
ഇപ്പൊഴാർത്തി പെരുകുന്നു
ജീവിതത്തിൻ പാന പാത്രത്തിൽ
ഇറ്റു പോലും ശേഷിക്കാതെ
കുടിച്ചു വറ്റിക്കുവാൻ കഴിയാത്തതിൽ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ