നിന്റെ സംശയത്തിന്റെ നദിക്കരയിലിരിക്കാൻ ഞാനില്ല
ഇരയെ പിടിക്കുവാനുള്ള കഴുകന്റെ കണ്ണിലെ കൗശല മെനിക്കറിയാം
പൃഥിയോളം സഹിക്കാം
പാതാളത്തിലേക്ക് താഴാം പിന്നെയോ?!
വേദനയുടെ ചുവട്ടിൽ ചേക്കേറിയ ഒരു ദീർഘനിശ്വാസം
ചെറിയ മീനിനെപ്പോലെ പ്രജ്ഞയിലേക്ക് നീന്തിനീന്തിക്കയറുന്നു
പരുന്തുകൾ കൊത്തിയ പശുവിന്റെ ശവം പോലെ
ഞാനിന്നും ശവപ്പറമ്പിൽ
ജീവിതത്തിന്റെ രാജപാ തയെന്നു കരുതിയിറങ്ങിയത്
നരക പാതയിലേക്ക്
സമുദ്രത്തിലെ സ്വച്ഛ നീല ജലം പോലെ
ഭയാനകം ജീവിതം
ദീർഘനിശയ്ക്ക് ശേഷം പരക്കാതിരിക്കില്ല പ്രകാശം
എന്തു തന്നെയായാലും നിന്റെ സംശയത്തിന്റെ നദിക്കരയിലിരിക്കാൻ ഇനി ഞാനില്ല
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ