malayalam blogwriters

http//www.facebook.com/groups/malayalam blog.writers

2015, മേയ് 8, വെള്ളിയാഴ്‌ച

പതിത



വിരസതയുടെ വിയർപ്പിൽ
കയറഴിഞ്ഞു പോയ
ആട്ടിൻ കുട്ടിയെപ്പോലെ
മനസ്സവിടവിടെ കടിക്കുകയും,
മണക്കുകയും ചെയ്യുന്നു
വെയിൽ പൂത്ത വഴിയിലെ
ഒറ്റപ്പെട്ട മെയ് ഫ്ലവർ മരത്തിനു
കീഴെ
ഒരാണ്‍ കുട്ടിയും,പെണ്‍ കുട്ടിയും
 നില്ക്കുന്നു
തണലിന്റെ തണുപ്പും ചെമ്പട്ട് പൂവും
വിരിച്ച് ആ മരം
എത്ര മിഥുനങ്ങൾക്കു,എത്ര വിരഹികൾക്ക്
കാവൽനിന്നു
ഞാൻ വസന്ത മെന്നും പിണങ്ങിയ
പടുമരം
പിറക്കാത്ത പൂക്കളെ മനസ്സില്
താലോലിക്കുന്ന പതിത
ബാല്യത്തിന്റെ കൌതുകവും
യൗവനത്തിന്റെ ചപലതയും കടന്ന
ചവിട്ടിയരയ്ക്കപ്പെട്ട പൂവ് 

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ