കാലം

മുറിവിന് മരുന്നാണ്
കണ്ണീര്
രക്തം കൊണ്ട് ചിത്രം
വരയ്ക്കുന്നു കാലം
ദയ,യെന്നേ മരിച്ചു
ഭയം വാഗ്ദാനം ചെയ്യപ്പെടുന്നു
ഗാഗുൽത്തകൾ ആവർത്തിക്ക
പ്പെടുന്നു
ദൈവം ആരാധനാലയത്തിലെ
തടങ്കൽ പാളയത്തിൽ
വിചാരണകൾ നേരിട്ടു കൊണ്ടേ
യിരിക്കുന്നു
കൊക്കു പിളർന്ന പക്ഷിയാണ് കാലം
പ്രേമത്തിൻ്റെ പല്ലിൽ നിന്നും
വിഷമിറ്റിയിറ്റി വീഴുന്നു
സ്മൃതികൾ മാഞ്ഞു പോയ
ശിരസ്സിൽ
മൃതികൾ കൂടുകൂട്ടി പാർക്കുന്നു
ജീവിതം കയപ്പെന്നു ചിലച്ചപക്ഷിക്ക്
പൊള്ളുന്ന രുചിയെന്ന് വേടൻ