കുട്ടിക്കുറുമ്പ്

കുട്ടനു കുട്ടിക്കുറുമ്പയ്യ
മുട്ടിലിഴഞ്ഞു കളിച്ചീടാൻ
പാണ്ടിക്കൊടും മേളം കേട്ടീടാൻ
ആനത്തിടമ്പേറ്റം കണ്ടീടാൻ

കുട്ടനു കുട്ടിക്കുറുമ്പയ്യ
പൊട്ടും പടക്കങ്ങൾ കണ്ടീടാൻ
പെട്ടെന്നു ചാടി മറഞ്ഞീടാൻ
പൊട്ടും പൊടിയും പെറുക്കീടാൻ

കുട്ടനു കുട്ടിക്കുറുമ്പയ്യ
തൊട്ടിലിലാടി രസിച്ചീടാൻ
ആൾക്കടലോളത്തിലാറാടി
മേളബഹളങ്ങളിൽക്കൂടാൻ

കുട്ടനു കുട്ടിക്കുറുമ്പയ്യ
നീളെ മരത്തണൽ കണ്ടീടാൻ
നീരുള്ള ചാലുകൾ കണ്ടീടാൻ
നീന്തിത്തുടിച്ചു കളിച്ചീടാൻ