മഞ്ഞുകാല രാത്രിയായിരുന്നു
ചില ചുഴികളുണർത്തി മനസ്സെന്ന പക്ഷി
ചിറകടിച്ചു
രാത്രി മൃദുവായനങ്ങി.
ജനവാതിലിലൂടെയിളകുന്നയിരുട്ടിലേക്കു -
നോക്കി
കുന്നിൻ മുകളിൽ ഏകാന്തമായ സെമിത്തേരി.
ഞാനിരുട്ടുമുറിയിലെ നിശ്വസിക്കുന്ന ശവകു-
ടീരം
മറന്നുവെച്ച,യെന്തോ തിരഞ്ഞ് ദീർഘയാത്ര -
ചെയ്തതുപോലെ
ഒരു കിതപ്പു ബാക്കിയാകുന്നു
ചിലപ്പോൾ സമുദ്രക്കാഴ്ച പോലെ
ആഴങ്ങളിലേക്കാകർഷിക്കുന്നു
ചിലപ്പോൾ ഒരു കരിഞ്ചേരപ്പുളച്ചിൽ പാദത്തിൽ
നിന്ന് മുകളിലേക്ക് കയറുന്നു
തിടുക്കത്തിൽചലിക്കുന്ന കുറേ നിഴലുകൾ
പുറത്തേക്കിറങ്ങുന്നു
വെളിച്ചം കൊണ്ടുവെളിപ്പെടുന്നു നിഴലുകൾ.
രണ്ടുസഞ്ചാരികളുടെ യാത്ര പറഞ്ഞു പിരിയ -
ലാണു മരണം
രാത്രിയെ നിഴലുകൾ ഒരു മൃഗക്കൂടാക്കി മാറ്റുന്നു
മഞ്ഞു വീണ രാത്രിക്ക് മരുഭൂമിയുടെ മണം
ഏകാന്തതയുടെമുനമ്പിന് അനിശ്ചിതത്വത്തിൻ്റെ - യനുഭവം
ശിശിരത്തിലെ,യെഴുത്തുമുറിയിൽനിന്ന് ശ്മശാന - ത്തിലേക്കൊരുപാത
നിഴലുകളാൽ നീണ്ടു നിവർന്നു കിടക്കുന്നു എഴു- ത്തുമേശ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ