പുലർകാല പുൽക്കൊടിയിൽ
രാത്രിയുടെ കണ്ണീര്
കിഴക്കേ കുന്നിൽ ചരുവിൽ
കന്യാ രക്തം
മൊഴിമുട്ടിയ കാറ്റ്
തറഞ്ഞു പോയ് കൊമ്പിൽ
മിഴി വറ്റിയ മണ്ണ്
കരിഞ്ഞു വിണ്ടു.
കൊക്കു പിളർന്ന പക്ഷിയുടെ
തൂവൽ കൊഴിഞ്ഞു
ദൈവം ദേവാലയത്തിൽനിന്നിറങ്ങി
നടന്നത്
ഒരു കുട്ടി മാത്രം കണ്ടു
ഹരിതം മാഞ്ഞ ഒരില
മണ്ണിൽ വീണു
ഹരിണത്തിൻ്റെ കണ്ണിൽ
കൊത്തുന്നു കഴുകൻ
സ്തനം മുറിഞ്ഞ പെണ്ണിൻ്റെ
സ്തന്യത്തിനു കരയുന്നു കുഞ്ഞ്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ