പെട്ടെന്ന് ;
ഓർമ്മയുടെ ഒരു മഴയിൽ
ഞാൻ നിന്നു നനയുന്നു
മാഞ്ഞുപോയ കുറേവർഷങ്ങൾ
കിളിർത്തു വരുന്നു
നിലച്ചുപോയ ഒരുറവ
നിറഞ്ഞു കവിയുന്നു
ഉണങ്ങിയ ഒരു മരത്തിൽനിറയെ
പച്ചകൾ വിരിയുന്നു
കഴിഞ്ഞകാലത്തിൻ്റെ
കുറച്ചു കുമ്മായമടർന്ന്
മനസ്സിലേക്ക് വീഴുന്നു
തിരിച്ചറിയാൻ കഴിയാതിരുന്ന
പലതും
തിരഞ്ഞുവരുന്നു
കടലാസിൽ അക്ഷരങ്ങളെന്ന -
പോലെ
മനസ്സിലേക്ക് ഓർമ്മകൾ പിറന്നു
വീഴുന്നു
തെറ്റും,തിരുത്തുമില്ലാത്ത ഒരു വഴി
യിലെന്നപോലെ
അവനിശ്ശബ്ദം യാത്രചെയ്യുന്നു
എന്തുകൊണ്ടായിരിക്കും
ഓർമ്മകൾ ,കുഞ്ഞുകുഞ്ഞു
മഞ്ഞുതരികൾ ചേർന്ന്
വലിയ മഞ്ഞുതുള്ളിയായി
മണ്ണിലേക്ക് പതിക്കുന്നതുപോലെ
തലച്ചോറിൽനിന്ന് മനസ്സിലേക്കു
പതിക്കാൻഇത്രയും താമസിച്ചിട്ടു -
ണ്ടാവുക
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ