സ്ത്രീയെന്ന നിലയ്ക്ക്
അവൾ നെടുവീർപ്പിടുന്നു
ഭാര്യയെന്ന നിലയിൽ
അനുസരിക്കുന്നു
അവൾക്ക് വൈക്കോലിൻ്റെ
ഗന്ധമെന്ന്
അവൻ അപമാനിക്കുന്നു
അവളുടെ ശാന്തത ദുഃഖം മറയ്ക്കുന്നു
ആരും കാണാതെ കരയുന്നു
അവളുടെ ജീവിതക്കുരിശിൽ
തറയ്ക്കപ്പെട്ട ആണികളാണ്
ഇല്ലായ്മകളും വല്ലായ്മകളും
അവളുടെ രാവുകൾ, പകലുകൾ
പ്രവർത്തനങ്ങൾ, ചിന്തകൾ
കയറില്ലാതെ കെട്ടിയിട്ടപോലെ
അവനാൽ നിയന്ത്രിക്കപ്പെടുന്നു
അവൾ ഭക്ഷണം വിളമ്പുന്നത്
ശ്രദ്ധിച്ചിട്ടുണ്ടോ?!
ആത്മബന്ധത്തിൻ്റെ ചേരുവകൾ
ചേർത്താണ്
ഇത്രയും സ്വാദെന്ന് തിരിച്ചറിഞ്ഞി-
ട്ടുണ്ടോ?
മനസിലെ കാൽപ്പനികതയിലേക്ക്
അലസഗമനംപോലും നടത്താതെ
സമയവും, ജീവിതവും അവനായി
ഹോമിക്കുന്നു അവൾ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ