വാക്കുകൾ അവനിൽനിന്നും
അറ്റുപോയി
ഒരുകരിങ്കൽ ശില്പംപോലെ
ചലനമറ്റു നിന്നു
തൂവിപ്പോയ ചായമാണ്ജീവിതം
എങ്കിലും ,
എത്രവരച്ചാലും ശരിയാകില്ലെന്ന -
റിഞ്ഞിട്ടും
നാം വരച്ചുകൊണ്ടേയിരിക്കുന്നു
തോറ്റമനുഷ്യനെന്ന് വിലപിക്കുന്നു .
ചിലർ ചീന്തിയെറിയുന്നു ജീവിതം
ചിലർ ചുരുട്ടിയെറിയപ്പെടുന്നു
പിന്നെയും ചിലരുണ്ട്
തുറന്നുവെച്ച പുസ്തകംപോലെ
ഒരുകൂട്ടർ അന്യരക്തത്താൽ
സുരക്ഷിതരായി
മറ്റൊരുകൂട്ടർ ആകെ വലഞ്ഞ്
അരക്ഷിതരായി
ചിലരോ വായിച്ച പുസ്തകം
പതുക്കെ മടക്കിവെയ്ക്കുന്നതു -
പോലെ
ജീവിതജാലം മുൻകൂട്ടിയറിയുന്ന -
വരാരുമില്ല
ഒരോന്നു കാണുമ്പോൾ
പരൽമീൻ കണക്കു പിടയുന്നു -
ഉള്ളം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ