കൊറോണ പഠിപ്പിച്ച പാഠം

പാഠങ്ങളെത്ര പഠിച്ചു നമ്മൾ
പരിപാവനമെന്നു നിനച്ചുനമ്മൾ
പാടിപ്പഠിപ്പിച്ചു ,ചൊല്ലിപ്പഠിപ്പിച്ചു ,-
നാട്ടറിവായതുകേട്ടു പഠിച്ചു
പുസ്തകത്താളിൽ നാം എഴുതി -
പ്പഠിച്ചു.

അനുഭവംകൊണ്ടു പഠിച്ചതുണ്ടി -
ന്നുനാം
മരിച്ചാലും മറക്കാത്തൊരനുഭവ -
പാഠം
കൊറോണയെന്നുള്ള മഹാമാരി -
വന്നപ്പോൾ
മനുഷ്യനെങ്ങനെയാകണമെന്നുള്ള
പാഠം

ജീവിതം പണവും, പത്രാസുമല്ലെന്നതും
പ്രാണൻ പണത്തിൻ പിന്നാലെയല്ലെന്നതും
ഒന്നിനോടൊന്നുചേരുമ്പൊഴേ പൂർണ്ണത -
യെന്നതുകൈവരു എന്നുള്ള തത്വവും

അന്നാണു നമ്മൾ മനുഷ്യനെ കണ്ടതും
സ്നേഹമെന്തെന്നുള്ള സത്യമറിഞ്ഞതും
അന്നോളം ചിലരെ കണ്ടില്ലെന്നു നടിച്ചതും
ഇന്നവർ കൺകണ്ട ദൈവമായ് തീർന്നതും

പട്ടിണിക്കാർപോലും പട്ടിണിയെന്തെന്നറിയാ-
തെ മുന്നോട്ടു പ്രയാണം തുടർന്നതും
ഒരുനാട് ഒന്നാകെ ഒരുമനസ്സാകയും
ഒരുമെയ്യെന്നപോൽ കാത്തു സൂക്ഷിക്കയും

അനുഭവം ഗുരുവെന്ന സത്യമറിയുക
ആ സത്യമെന്നും നാം കാത്തുസൂക്ഷിക്കുക
ഇനിയും മഹാമാരി വന്നിടും കാലത്ത്
അനുഭവം കൊണ്ടെതിരിട്ടു ജയിക്ക നാം