പടുതക്കുളത്തിലെ വരാൽ കൃഷി

വരാലിനെന്തോ പരാതിയുണ്ട്

തലമുട്ട് കാണുമ്പോഴേ

തലയുർത്തിയെത്തുന്നുണ്ട്

തീറ്റയ്ക്കെന്ന നിൻ്റെ ധാരണ

തെറ്റിക്കുന്നുണ്ട് !

ചിലമ്പിച്ച ശബ്ദത്തിലെന്തോ

പറയുന്നുണ്ട്

തൊള്ള തുറന്നത് തേങ്ങലായ്

പൊഴിയുന്നുണ്ട്

ഇരയിട്ട് ഇരപിടിക്കാനുള്ള നിൻ്റെ

തന്ത്രമറിയാഞ്ഞിട്ടല്ല

കൈച്ചിലെന്നു പറഞ്ഞ് കൈച്ചലാകുന്ന

നിൻ്റെയാ പുച്ഛമുണ്ടല്ലോ

ചൂണ്ടക്കൊളുത്തു പോൽ വളഞ്ഞുള്ളയാ

നിൽപ്പും

കണ്ണുകളെ വലക്കണ്ണികളാക്കിയുള്ള

നോട്ടവും മാത്രം മതി

ഇറച്ചിപ്പാകമാക്കി തറിച്ചിടാനുള്ളതെന്ന് ....

ഉപ്പുപാടത്ത് ഉണങ്ങിക്കിടക്കാനറിയാ-

ഞ്ഞിട്ടല്ല

"ഒന്നു ചീഞ്ഞൊന്നിനു വളം'' - എന്ന

പ്രകൃതി നിയമമുണ്ടല്ലോ

നിന്നപ്പോലെ അതു തെറ്റിക്കാനുള്ള

മനസ്സില്ലാത്തതുകൊണ്ടാണ്