ഒലിച്ചുപോയ ഓർമകളെയായിരിക്കണം
തിരഞ്ഞുകൊണ്ടിരിക്കുന്നത്
കണ്ണി വിട്ടുപോയതിനെ
കോർത്തെടുക്കാനും
ഊന്നുവടിയിൽ
ഉയർന്നു നിൽക്കുമ്പോൾ
അവശേഷിക്കുന്ന പ്രത്യാശയുടെ
ബലമായിരിക്കണം
ചങ്കിൽ പിടച്ചുനിൽക്കുന്നത്
സഞ്ചരിക്കുന്നുണ്ടാകാം
ചടുലവേഗത്തിൽ മനസ്സ്
കുതിച്ചുപായുന്നുണ്ടാകാം
കാഴ്ചകളിലൂടെ
അതായിരിക്കണം ,
ഇത്രയും കിതച്ചു പോകുന്നത്
എത്തിയിരിക്കണം,
കഴിഞ്ഞകാലത്തിൻ്റെ വെളിമ്പ-
റമ്പിൽ
കണ്ടതും, കേട്ടതും, ചെയ്തതും -
അനുഭവിച്ചതുമെല്ലാം
തിക്കിത്തിരക്കി വന്നിരിക്കണം
അതായിരിക്കണം
ഒരു തിക്കുമുട്ടൽ, തളർച്ച, ഒരു തേങ്ങൽ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ