നിനക്കായ്

 വിത്തിൻ്റെ കരുത്ത്

വിളഭൂമിയുടെ ഫലഭൂയിഷ്ഠി

മുളയിടുന്നു ഒരു പ്രതീക്ഷ

ചോരയുടെ ഉപ്പിനെ ചേർത്തു -

പിടിക്കുന്നു

ചേരുംപടി ചേർക്കുന്നു

പച്ചമനസ്സിൽ പവിത്രമായ -

സ്നേഹം

കുളിരുന്ന കണ്ണിലെ കാരുണ്യ -

ത്തിൻ്റെ നനവ്

അരിയില്ലെങ്കിലും അടുപ്പിൽ -

തീ പൂട്ടണം

എരിയുന്ന വയറിനെ മറന്ന് -

സ്വപ്നങ്ങൾക്ക് വളമിടണം

തുറന്ന മനസ്സിനു മാത്രമെ സാന്ത്വ-

നമേകാൻ കഴിയൂ

വ്യാഘ്രത്തിൻ്റെ പ്രതികാരമാകരുത് -

കാമം

കുതിരയുടെ കുളമ്പൊച്ചയാകരുത് -

മരണഭയം

കുരുത്തം കെട്ട കൊടുങ്കാറ്റിനെ -

വേദനയുടെ മിന്നുകെട്ടിക്കരുത്

മിന്നലിൻ്റെ ശക്തിയിൽ സംഗീതമായ് -

നീ പെയ്യുക

ചേരുംപടി ചേർക്കാൻ

ചോരയുടെ ഉപ്പതാ നിന്നിൽ

മുളയുടെ മുകളമായ് ഉയർന്നു വരുന്നു