ഇര അരികിൽ തന്നെയുണ്ട്
പൂതി വെന്തു മറിയുന്ന കണ്ണാലെ-
വേട്ടക്കാരൻ നൊട്ടിനുണയുന്നു.
മഴയുടെ ശബ്ദം മൺകുടിലുകൾ -
ക്കു മുകളിലൂടെ ഒഴുകി.
ആഴമുള്ള അടയാളം പോലെ
ഇരുട്ടിൻ്റെ ചുരുട്ട് പുകയാൻ തുടങ്ങി
ഇരയുടെ കന്യാമേനി വിറകൊണ്ടു
നിശ്ചലവും, നിഗൂഢവുമായ മൂകത
തളം കെട്ടി
മൃതുവിൻ്റെ നിശ്ശബ്ദതപോലെ
വേട്ടക്കാരനും
ഇരയും
ഒരു ചാൺ വയറിൻ്റെ
അകലത്തിൽ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ