എത്ര കാലം കഴിഞ്ഞു
ഓർമകൾ ചുരം കേറി
നിൽക്കക്കള്ളിയില്ലാതെ
പോയി ഞാനിന്നവിടെ
പഴയൊരാ വഴിയിലേക്കൊന്നി-
റങ്ങി നിൽക്കവേ
എന്നെ നീ മറന്നുവോ? -എന്ന
ഒറ്റച്ചോദ്യം
എങ്ങു നിന്നാണീ ചോദ്യം
ആരെയും കാണുന്നില്ല
തിരഞ്ഞീടവേ കണ്ടു കറുകപുൽ-
നാമ്പുകൾ
അടങ്ങാതാനന്ദത്താൽ
പാദത്തിൽ തൊട്ടു നിൽപ്പൂ
പെട്ടന്നങ്ങൊരു തേങ്ങൽ
എന്നിൽ നിന്നുയർന്നു പോയ്
തൊടിയിൽ നിന്നും കപ്പ, കാച്ചിലും -
വാഴകളും
അതിരിൽ നിന്നും കൊന്നമരവും, -
മേന്തോന്നിയും
അന്നുഞാൻ നട്ടതെങ്ങിൻതൈയിന്ന് -
കായ്ച്ചല്ലോ
അന്നത്തെ തടമിന്നും മായാതെ നിൽ-
പ്പുണ്ടല്ലോ
തൊട്ടാവാടികളിന്നും നാട്ടുപെണ്ണിനെ -
പോലെ
നാണിച്ചു നിൽക്കുന്നുണ്ടേ ഞാനൊന്നു
തൊട്ടപ്പോഴേ
മൂരിയേ പൂട്ടി വരും മുത്തച്ഛൻ്റെ മുതുകു-
പോൽ
കൂനിനിൽപ്പുണ്ടിന്നുമാ പഴയ തറവാട്
പഴയൊരാകിണറിലെ തെളിനീരുറവയും
മുറ്റത്തുമ്പിനപ്പുറം നിൽക്കുമാ നെല്ലിമരം
കാടുകയറിത്തിങ്ങിയെങ്ങും നിറഞ്ഞു -
നിൽപ്പൂ
കണ്ണീരിൽ കുതിർന്നു പോയ് കഴിഞ്ഞ കാല-
മോർക്കേ
..........
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ