ഇരുട്ടിനെ ചുരുട്ടിയെടുത്ത്
ഞാൻ നടക്കുന്നു
രാവിൻ്റെ ചൂണ്ട കൊണ്ട്
പുലരിയുടെ മീനിനെ പിടിക്കാൻ
ഏതു മീനായിരിക്കും
ഇന്നെൻ്റെ ചൂണ്ടയിൽ കുടുങ്ങുന്നത് !
സ്നേഹത്തിൻ്റെ പൊടിമീൻ
വസന്തത്തിൻ്റെ വരാൽ
വിശുദ്ധിയുടെ പേരറിയാമീൻ
കാലം കാക്കയായ് കാത്തിരിക്കുന്നു
വെയിൽ കൊണ്ട്
മഴ കൊണ്ട്
മഞ്ഞു കൊണ്ട്
പെട്ടെന്ന്;
പുലരിമീനിട്ട ചൂണ്ടയിൽ
എന്നെയും കോർത്തെടുത്ത്
തെക്കോട്ടു പറക്കുന്നു ഒരു കാക്ക
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ