ജീവിതം പറിച്ചെടുക്കുന്നത്

കീറിപ്പറിഞ്ഞ ജീവിതം പുതച്ച്

കൂനി നടക്കുന്നൊരാൾ

മഴയെയിത്രയധികം സ്നേഹി-

ച്ചൊരാളെ കണ്ടിട്ടില്ല ഇന്നോളം !

കണ്ണീരു മറക്കാൻ മഴയോള -

മൊരുമറ മറ്റെന്തുണ്ട്

ഒച്ചയില്ലാതെ പോകും,

ഉച്ചി കത്തും വെയിലിലും

തെച്ചി പൂക്കും കുന്നിലേക്ക്

പച്ചമരുന്നുപറിക്കാൻ

പോകണമെനിക്കും

കവിത പൂക്കും കുന്നിലേക്ക്

ഒച്ചയില്ലാത്ത വാക്കിനാൽ

പറിച്ചെടുക്കും പച്ചജീവിതം

കാണാൻ