കമ്പാര്‍ട്ട് മെന്റിന്റെ ജനലിലൂടെ
മഴ അകത്തേക്ക് എത്തി നോക്കി
മഴ സൂചി നെയ്ത കൈലേസ് പോലെ
നനുത്തോരാവരണം
മുഖത്തേക്ക് പാറി വീണു
പൊട്ടി ത്തരിച്ച പോലെ
ഒരു നിശ്വാസം അടര്‍ന്നു വീണു
സായം സന്ധ്യയുടെ ശോണിമയും
മഴത്തുള്ളിയിലെ മഴവില്‍ ഗോളവും
ചിതറിയ കാമനകളായി
അങ്ങകലെ ആകാശാവും,-
കടലും കെട്ടിപ്പുണര്‍ന്നു
കടലിന്റെ ശബ്ദത്തിനു
കവിതയുടെ ശ്രുതി
വണ്ടിയുടെ ഒപ്പം ജലതതിയും
ഓടുകയാണ്
ഉയര്‍ന്ന മലകള്ക്കപ്പുറത്തെക്ക്
ഓര്‍മകളും ഓടുകയാണ്
ഇപ്പോള്‍ മഴത്തുള്ളിയില്‍ വിരിഞ്ഞത്
കാത്തിരിക്കുന്ന കുഞ്ഞിന്റെ മുഖമാണ് ,പാറിവരുന്ന കാറ്റിനു
പാല്‍ പുഞ്ചിരിയുടെ മണമാണ്
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ