കാമുകി

ചില കാമുകിമാരുണ്ട്
പ്രിയങ്ങൾ പറഞ്ഞു
കൊണ്ടേയിരിക്കും
ആശയുടെ പാശമെറിഞ്ഞു
തരും
മോഹത്തിന്റെ മുനമ്പിൽ
കൊണ്ടിരുത്തും
സ്വപ്നങ്ങൾ കൊണ്ട് നിറയ്ക്കും
കണക്കുകൂട്ടലുകളെല്ലാം
തെറ്റിക്കും
കരയേക്കാൾ വല്ലതാണ്
കടലെന്ന് പഠിപ്പിക്കും
മൗനത്തിൽ മധുരം നിറച്ച്
വിപണനതന്ത്രങ്ങൾ പയറ്റും
അണ്ടിയോടടുക്കുമ്പോൾ
മാങ്ങയുടെ പുളിയറിയാമെന്ന-
പോലെ
കാര്യത്തിലേക്കെത്തുമ്പോൾ
കുതറി മാറും
പ്രണയത്തിന് പാമ്പിന്റെ
പടമെന്നറിയും
തൊട്ടു പുരട്ടിയ വാഗ്ദാന
മധുരങ്ങൾ
കയപ്പെന്നറിയും
തന്ന വാക്കുകൾ ജലരേഖ
യെന്നും
പാതിവഴിയിൽ ഗൗനിക്കാതെ
അത് അതിന്റെ പാടു നോക്കി
പോകും.