സ്ത്രീ ഒരു ചരിത്രമാണ്
ചരിക്കുന്ന ചിത്രവും
ഉപ്പുപാടവും
അവളുടെ കണ്ണുകളിലേക്ക്
സൂക്ഷിച്ചു നോക്കുക
കാണാം, മലമ്പാതകൾ,
ചുരങ്ങൾ, താഴ് വാരങ്ങൾ,
കൊടുമുടികൾ, അഗാധഗ
ർത്തങ്ങൾ,
ദു:ഖത്തിൻ്റെ കർക്കടകം,
സ്നേഹത്തിൻ്റെ സേതു ,
പ്രണയത്തിൻ്റെ സരയൂ
സഹനത്തിൻ്റെ ആകാശവും
നീയെന്ന വേവലുകളും
നിൻ്റെ ആസക്തികളെ മാറ്റി -
നിർത്തി
ആ മാറിടത്തിൻ്റെ വിടവിലേക്ക്
നോക്കുക
കാണാം,
ആണിയില്ലാ ആണിയാൽ
കുരിശിൽ തറച്ച പിടയുന്ന
ഒരു ഹൃദയം
...................
രാജു കാഞ്ഞിരങ്ങാട്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ