മഴ,
മൗനത്തിൽ പോലും
മധുരം വിളമ്പി
മനം നിറച്ചീടുന്ന പ്രണയസാക്ഷി
മൗനത്തിൽ പോലും
മധുരം വിളമ്പി
മനം നിറച്ചീടുന്ന പ്രണയസാക്ഷി
മഴ,
സ്വപ്നങ്ങളോരോന്നു കണ്ടു നിന്നീടവേ
കിളിവാതിലിലൂടെ കുളിരും വിരലാലെ
തൊട്ടി,ക്കിളിയാക്കും സ്നേഹ സാക്ഷി
സ്വപ്നങ്ങളോരോന്നു കണ്ടു നിന്നീടവേ
കിളിവാതിലിലൂടെ കുളിരും വിരലാലെ
തൊട്ടി,ക്കിളിയാക്കും സ്നേഹ സാക്ഷി
മഴ,
ഓർമ്മകളായിരം ഓമനത്തുള്ളിയായ്
മനസ്സിന്നിറഞ്ചാലിലോളങ്ങൾ തീർക്കുന്ന
മോഹത്തിന്നാലോലമാടുംവഞ്ചി
ഓർമ്മകളായിരം ഓമനത്തുള്ളിയായ്
മനസ്സിന്നിറഞ്ചാലിലോളങ്ങൾ തീർക്കുന്ന
മോഹത്തിന്നാലോലമാടുംവഞ്ചി
മഴ,
മോഹങ്ങളോരോന്നുമേതോ ചുരങ്ങളിൽ
ചാഞ്ഞു പെയ്യുന്നേരം ചാരത്തണകയും
ഏതോ അഗാധമാം ദുഃഖത്തിൻ കൊക്കയിൽ
കൊണ്ടു തള്ളീടുന്ന ദു:ഖസാക്ഷി
മോഹങ്ങളോരോന്നുമേതോ ചുരങ്ങളിൽ
ചാഞ്ഞു പെയ്യുന്നേരം ചാരത്തണകയും
ഏതോ അഗാധമാം ദുഃഖത്തിൻ കൊക്കയിൽ
കൊണ്ടു തള്ളീടുന്ന ദു:ഖസാക്ഷി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ