വിശുദ്ധം

മേഘങ്ങൾ പക്ഷികളാണ്
ജലച്ചിറകിനാൽ പറക്കുന്ന
പക്ഷികൾ

കടൽ ഒരു പളുങ്കുപാത്രവും
ഒറ്റത്തുള്ളിയും തുളുമ്പാത്ത
പളുങ്കുപാത്രം

നിഴലുകൾ എന്നും കൂട്ടുണ്ടാകു
മെന്ന് കരുതരുതേ.......

വായുവാണ് നമ്മുടെ കൂട്ട്
കണ്ടില്ലെന്നു വരാം
കൂടെയുണ്ടെന്നോർത്തോളു

വായുവിനറിയാം മനുഷ്യൻ്റെ
ആയുസ്സ്

വായുവിനെ മാറ്റി നിർത്തിയ-
വരേയാണ്
മരിച്ചവരെന്ന് നാം വിളിക്കുന്നത്

മരണത്തോളം വിശുദ്ധമായത്
മറ്റൊന്നില്ല