ചില വീടുകൾ

കിണറാഴമുള്ള ഒരു വീടുണ്ട്
വിണ്ടു കീറിയ ഒരു പാടം
അകത്ത് ചരിഞ്ഞു കിടപ്പുണ്ട്
മുറ്റത്തെ തുമ്പത്ത്
കലങ്ങിച്ചുവന്ന കണ്ണുള്ളൊരു
പൂവ്കാത്തിരിപ്പുണ്ട്
ഒച്ചയറ്റ ഒറ്റയടിപ്പാത ആരെയോ
പ്രതീക്ഷിക്കുന്നുണ്ട്
സമയസൂചി കാലബോധമില്ലാതെ
കറങ്ങുന്നു
മൗനത്തിന് മഞ്ഞെന്നോ, മഴയെ
ന്നോയില്ല
ഇടയ്ക്കിടയ്ക്ക് ഉയരുന്നുണ്ട്
കിണറിൻ്റെആഴത്തിൽ
തൊട്ടി വെള്ളത്തിൽ തട്ടുന്നതു പോലെ
ഒരു തേങ്ങൽ
ചില വീടുകൾ ഇങ്ങനെയാണ്
കഴിഞ്ഞകാലത്തിൻ്റെ പ്രൗഢിയിൽ
ഇങ്ങനെ, നിസ്സഹായയായി