അതിർത്തികളില്ലാത്ത
ഭൂപടമാണ് പ്രണയം
വിഭജനം ബാധകമാകാത്ത
ശമിക്കാത്ത വിശപ്പ്
പാലിൽ പഞ്ചസാരയെന്നതു
പോലെ
രാഗംരക്തത്തിലലിഞ്ഞു ചേരുന്നു
പ്രണയത്തിന്
ഭാഷയോ, വേഷമോയില്ല
ഓർമ്മയുടെ കടലിൽ
പായകപ്പൽപോലെയത് നീങ്ങുന്നു
കണ്ണും, ചുണ്ടും, ശ്വാസനിശ്വാസവും
കവിത രചിച്ചു കൊണ്ടേയിരിക്കുന്നു
ഇല മൂടിയ ഇടവഴികളിലും
ഇരുളുറഞ്ഞ വനങ്ങളിലും
ഇളവെയിൽ
ഏത് ഉൾവനത്തിലും
ഉലാത്തിക്കൊണ്ടിരിക്കും.
കുടിച്ചാലും കുടിച്ചാലും മതി
വരാത്ത
കാട്ടുതേനാണു പ്രണയം
എന്ത്?
ഈ പ്രായത്തിലും പ്രണയമോയെന്ന്
നിങ്ങൾ മുഖം ചുളിച്ചേക്കാം
ഒളിക്കേണ്ട
നിങ്ങളിലുമുണ്ട് പ്രണയം
നോക്കൂ:
മൃഗങ്ങളയവെട്ടുന്നതു പോലെ,യിപ്പോൾ
അയവെട്ടിക്കൊണ്ടിരിക്കുന്നു നിങ്ങൾ
പ്രണയം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ