ആഗ്രഹം

നിൻ്റെ ചുണ്ടിൻ്റെ ചിറകിൽ നിന്നും
പറന്നിറങ്ങിയ ചുംബനം
ഹേമന്തത്തിൻ്റെ തൂവൽ പോലെയെങ്കിലും
ഗ്രീഷ്മത്തിൻ്റെ ചൂടുണ്ടായിരുന്നു
നിൻ്റെ കവിളുകൾ പൂത്തായിരിക്കണം
ചുവന്ന വാകപ്പൂക്കൾ ഉണ്ടാകുന്നത്
പ്രിയേ, എന്നിട്ടും നീയെന്തിനാണ് -
നൊമ്പരപ്പെടുന്നത്
ഗ്രീഷ്മം പെയ്തിറങ്ങുന്ന ഒരു വാകപ്പൂവായി
നിൻ്റെ കവിളിലലിഞ്ഞു ചേരാൻ കഴിഞ്ഞെ-
ങ്കിലെന്ന്
ഞാനാഗ്രഹിച്ചു പോകുന്നു