ഓർമ്മതന്നുമ്മതന്നു
മധുരം ചിരിക്കുന്നു
മാമ്പൂവിൻ നിശ്വാസമായ്
ജീവനിൽ തുടിക്കുന്നു
മാങ്കനി മധുരമാം
പൂങ്കിളിയാണിന്നു നീ
വശ്യമായ് വീശീടുന്ന
കുളിരുംനിലാവു നീ
ആശതന്നൂഞ്ഞാലിൽനാം
ആടുന്നു കല്ലോലമായ്
ആലപിക്കുകനീയാ
പ്രേമഗാനങ്ങൾ വീണ്ടും
തൃഷ്ണമുറ്റീടും നിൻ്റെ
കൃഷ്ണമണിയിൽ പൂത്ത
നക്ഷത്രമായീടുവാൻ
തുടിച്ചീടുന്നെൻ മനം
മിന്നലാലെഴുതി നീ
മന്നിതിൽ പ്രണയത്തെ
സ്വർണ്ണ പങ്കജമാക്കി
സ്നേഹത്തിൻ സരിത്താക്കി
കൃശമെൻ കൈകൾ നിന്നിൽ
കുശലം വരയ്ക്കുമ്പോൾ
ആഭേരിയായ് പെയ്യുന്നു
നനഞ്ഞു കുതിരുന്നു
2021, ജൂൺ 24, വ്യാഴാഴ്‌ച
പ്രണയനിമിഷം
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ