കൊതിച്ചതല്ലൊന്നും
വിധിച്ചതെന്നാകുമ്പോൾ
ചോരച്ച ഞരമ്പുകൾ
നീലിച്ചു പോകുമ്പോൾ
തിരിച്ചുപിടിക്കേണ്ടതെങ്ങനെ -
ജീവിതം
ആശുപത്രികൾ
ആംബുലൻസുകൾ
അകത്തളത്തിലെ പൊട്ടിത്ത-
കരലുകൾ
പാതിരാവിലെ നെടുവീർപ്പുകൾ
ജപ്തികൾ
ജഡിമബന്ധങ്ങൾ
തക്കം പാർത്തിരിക്കുന്ന
തക്ഷകവർഗ്ഗങ്ങൾ
ജടപിടിച്ച രാവുകൾ
ജ്വരം മൂത്ത മാനസം
ചുരം കേറുമോർമ്മകൾ
കരകാണാക്കടലുകൾ
കാലംകെട്ടിയ കാണാച്ചരടിലെ
കളിപ്പാവകൾ നമ്മൾ
കണ്ണീരുപ്പിൽ ദ്രവിച്ചു തീരുന്ന-
ദ്രുമങ്ങൾ
പെയ്തുപൊള്ളിപ്പിടയുമ്പോൾ
തിരിച്ചുപിടിക്കേണ്ടതെങ്ങനെ -
ജീവിതം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ