ശശം ശാന്തമായിരുന്നു !
സമയം ആമയെപ്പോലിഴഞ്ഞു
എവിടെ വേട്ടക്കാരൻ?
ഒരു ശവദൈർഘ്യമകലെ
കപ്പിനും ചുണ്ടിനുമിടയിലെന്നപോലെ
കൊടുങ്കാറ്റിന് മുമ്പ് എന്നപോലെ
മരണത്തിനുമുമ്പ് ശാന്തത
ഏതു നിമിഷവും
വെടിയുണ്ട അകത്തേക്ക്
പ്രാണനും രക്തവും പുറത്തേക്ക്
മൃതിയും ,പ്രതികാരവും മണക്കുന്ന
സമയം
അകംവെന്ത് നിഷ്ക്രിയമാകുന്ന
പ്രക്രിയയിൽ
ഭീരുത്വത്തിൽ ഉടലെടുക്കുന്നു ധൈര്യം
ഒരു നിമിഷം ,
വേട്ടക്കാരൻ്റെ ശ്വാസമൊന്നുമുറിഞ്ഞാൽ
മതി
ഇര ജീവിതത്തിലേക്കു വീണുപോകാൻ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ