ചിങ്ങം വന്നു വിളിക്കുകയായി
ചങ്ങാതിമാരോഹ്ലാദിക്കയായി
ചുറ്റും ചിത്രം വരയ്ക്കും പ്രകൃതി
ചെറ്റെന്നെന്തയ്യോ! കാണുവാൻ -
ഭംഗി
മുറ്റും വർണ്ണ വസന്തത്താലെങ്ങും
തെറ്റെ,ന്നമ്പോ!യിതെന്തൊരുജാലം
മുറ്റംതോറുമീ പൈതങ്ങൾ ചേർന്ന്
മൂവന്തിക്കതിർ പോലെത്തിളങ്ങി
ചേണാർന്നുള്ളൊരു ചേലപോലയ്യാ!
മേലേ വാനവും പൂവിട്ടു നിൽപ്പൂ
നീളേ നിരനിരെ നാണിച്ചു നിൽപ്പൂ
നല്ലോണത്തിൻ്റെ പൊന്നോണപ്പൂ -
ക്കൾ
തെല്ലും ഇല്ലില്ല അല്ലലുള്ളത്തിൽ
ചാറി വന്ന ചെറുമഴ ചൊല്ലി
ചേറിപ്പാറ്റുന്ന ചേമ്പിലതോറും
ചിന്നും ചിത്രമായ് നീർമണിത്തുള്ളി
ഛത്രംചൂടി വന്നുള്ളൊരു ചിങ്ങം
ചിത്രവേലയിതെന്തൊരു ചന്തം
തുമ്പിതുള്ളൽ ,പുലിക്കളി പിന്നെ
ഊഞ്ഞാലാട്ടവുമെന്തെന്തുകേമം!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ