ഞാൻ കളിച്ച,
പശുക്കൾ മേഞ്ഞ,
പുര കെട്ടിമേയാൻ
പുല്ലുപറിച്ച,
മഹാൻമാർ വന്നുപോയ
മൈതാനമെവിടെ?!
ഇവിടെ ഒരു മൈതാന-
മുണ്ടായിരുന്നെന്ന്
എവിടേക്ക്ചൂണ്ടിക്കാണിക്കും?
മൈതാനത്തിനരികിലെ
മൈൽക്കുറ്റി പോലുമില്ല
ഒരടയാളത്തിന്
അടുക്കി വെച്ചതു പോലുള്ള
കെട്ടിടങ്ങളിലെ ഏതകത്തള
ത്തിലായിരിക്കും
എ.കെ.ജി , ഇ .എം .എസ് ,
കൃഷ്ണപ്പിള്ള
നെഹറു ,ഗാന്ധി, കൃഷ്ണമേനോൻ
വന്നു പോയിട്ടുണ്ടാകുക
ചുട്ടുപൊള്ളുന്നുണ്ടാകുമോ
അവിടം ഇപ്പോഴും
മുഴങ്ങുന്നുണ്ടാകുമോ മുദ്രാവാക്യങ്ങൾ
ഉയരുന്നുണ്ടാകുമോ കൈയടികൾ
ഞെട്ടിവിറച്ച ഭരണകൂടത്തിൻ്റെ
മുഖഭാവമായിരിക്കുമോ അകത്തള-
ങ്ങൾക്ക്
ഇവിടെയൊരു മൈതാനമുണ്ടായി
രുന്നെന്ന്
കൊച്ചു മക്കളോടും, സുഹൃത്തുക്കളോടും
പറഞ്ഞേപോകരുത്
വൃദ്ധൻ്റെ ജല്പനങ്ങളെന്ന് പരിഹസിച്ചേക്കാം
മറന്നു വെച്ചേക്കരുത് മൈതാനത്തെ
മനസ്സിൽ മറിച്ചു നോക്കിക്കൊണ്ടേ -
യിരിക്കണം
മറക്കാതെ സൂക്ഷിക്കണം കഴിഞ്ഞ കാലത്തെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ