നാലാം ക്ലാസിലിരുന്നാൽ
ഒന്നാം ക്ലാസിലെ
ചുമരിലെ ഘടികാരം കാണില്ല
പന്ത്രണ്ട് മണിയാകുമ്പോഴെ
വയറ് കാളാൻ തുടങ്ങും
വയറിനറിനറിയല്ലല്ലോ
പട്ടിണിക്കാരൻ്റെ പങ്കപ്പാട്
പെരുവിരൽ കുത്തി ഏന്തി -
വലിഞ്ഞ് എത്തിനോക്കും
ഒന്നാം ക്ലാസിലെ ഘടികാരം
ദേഷ്യം വന്നമാഷ്
കയറ്റിനിർത്തും എന്നെ ബെഞ്ചിൽ
അങ്ങനെയാണ്
മണിയടിക്കും മുന്നേ
തയ്യാറെടുക്കാനും
മണിയടിച്ചാൽ ഒറ്റക്കുതിപ്പിന്
ഒന്നാമതെത്തി
ഉപ്പുമാവിന് വരിനിൽക്കാനും
കഴിഞ്ഞത്
ഇന്ന് എത്ര നല്ല ഭക്ഷണം കഴിച്ചാലും
കിട്ടുന്നില്ല
അന്നത്തെ ആ ഉപ്പുമാവിൻ്റെ
അത്ര സ്വാദ്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ