കവിതപോലുള്ളൊരു
കാമുകനെയാണു ഞാൻ തിരയുന്നത്
അനുഭവങ്ങൾ അടുക്കി വെച്ച
ഒരു പുസ്തകം പോലെയായിരിക്കണമവൻ
അരികിലിരിക്കുമ്പോൾ തന്നെ
എരിച്ചലനുഭവപ്പെടണം
ആ അനുഭവച്ചൂടിൽഎനിക്ക്
ഉരുകി തെളിയണം
കത്തുന്ന കവിതയായ് തീരണം
അവനൊരു സംഗീതമായ്
പുതുമഴയായ്
എന്നിലേക്ക് പെയ്തിറങ്ങണം
അതിൻ്റെ പുളകത്തിൽ
പുതുമണത്തിൽ
എനിക്കവനെ ശ്വസിക്കണം
ഉണരണം
മതിവരാത്ത മഴവില്ല് പോലെ
കൊതി കെറുവുപൂണ്ട
കുട്ടികളെപ്പോലെ
പ്രിയപ്പെട്ട കാമുകാ.....
മലർത്തിവച്ച കാവ്യപുസ്തകമായി
നമുക്ക് നമ്മെ വായിച്ചു കൊണ്ടേയിരിക്കണം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ