പ്രണയം
അഗ്നിലിപികളാൽ എഴുതപ്പെടുന്നു
സ്നേഹത്തിൻ്റെ, ആദരവിൻ്റെ -
പറുദീസയിൽ
വിശുദ്ധമാലാഖയാകുന്നു
ആത്മവിശ്വാസത്തിൻ്റെ, അഭിലാഷ -
ത്തിൻ്റെ പക്ഷിയാണത്
ആത്മസ്വത്വത്തിൻ്റെ വിത്തു നൽകി
പോറ്റുന്നു
വിയർപ്പും,രക്തവും തുളുമ്പുന്ന
ഒരു ജീവിതത്തെയാണത്
കരങ്ങളിലേക്ക് അർപ്പിക്കുന്നത്
അഗാധമായ സ്നേഹത്തിൻ്റെ
നിഗൂഢമായ രഹസ്യമാണത് തിരയുന്നത്
സൂക്ഷിക്കണം;
പ്രണയം
താണുപറക്കുന്ന ഒരു പക്ഷിയായേക്കാം
ഒരിക്കലും തിരിച്ചു വരാത്ത രീതിയിൽ
മറ്റൊരുകൂട്ടിൽ അഭയം പ്രാപിച്ചേക്കാം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ