കുഞ്ഞുനാളിലെ
ഓർമ്മകൾ പലതും മരിച്ചു
ചില കൂട്ടുകാരും
ആഗ്രഹങ്ങളുടെ
അരക്കിണർ
എന്നേ മൂടി
എന്നെപ്പോലെ
വളർന്നു വന്ന
അറിയാത്തൊരോർമ്മ -
യാണമ്മ
ശൈത്യവും
ഗ്രീഷ്മവും പുതപ്പാക്കി
വിശപ്പിൻ്റെ വിരൽ പിടിച്ച്
കടത്തിണ്ണയിലിരുന്നു
സ്കൂളായിരുന്നു അമ്മ
ഉപ്പുമാവ് ഉൺമ
പാല് അമ്മിഞ്ഞ
ബാല്യം എന്നേ ബലിയിട്ട്
പിരിഞ്ഞു പോയി
കുപ്പായമില്ലാത്ത കുഞ്ഞിന്
കൈക്കലകൊണ്ടു കിട്ടിയ
പൂമാലയാണു ജീവിതം
ജനിക്കും മുമ്പേ മരിച്ചുപോയ
കുഞ്ഞാണു ഞാൻ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ