ഇന്നലെ കോലായിൽ ചാരു കസാലയിൽ
ചാരിയിരുന്നൊന്നായ് ചൊല്ലിയോരമ്മാവൻ
ഈ തിരുമുറ്റത്ത് ആ ,പഴേ മേശയിൽ
നീണ്ടു നിവർന്നു കിടക്കുന്നുവല്ലോ!
ഈ കൊടുംവേനലിൽ ചുട്ടുനീറീടുമ്പോൾ
പുതച്ചു കിടക്കുന്നതെന്തിനീ അമ്മാവൻ !
ആരൊക്കെയോവന്നടക്കം പറയുന്നു
പിന്നെ പതുക്കെ തിരിച്ചു പോയീടുന്നു
പുലർ നേരമിന്നോളം കണ്ടതില്ലമ്മാവൻ
ഇങ്ങനെ മൂടിപ്പുതച്ചുറങ്ങുന്നത്
എന്തേ വിളിച്ചുണർത്താതു അമ്മാവനെ
ആരുമെന്തേ പുറത്തേക്കിറങ്ങാത്തു
അച്ഛനെന്തേ ഓർത്തിരിപ്പു കോലായിൽ
ആലയിൽ പശുക്കൾ അമറുന്നതെന്തേ
അടുത്തവീട്ടിലെഉണ്ണി ചായയ്ക്കുവിളിക്കുന്നു
ഇന്നെന്തെ ചായയും വച്ചതില്ലേ അമ്മ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ