പ്രീയപ്പെട്ട ഡോക്ടറേ,
നഷ്ടമാകാത്ത ഓർമ്മയാണെൻ്റെ -
പ്രശ്നം
പഴയ ചിത്രംപോലെ അന്നത്തെ
ആ നരച്ച ആകാശം ഇന്നും കാണുന്നു
തിരിച്ചു കിട്ടരുതേയെന്ന് പ്രാർത്ഥിക്കു -
ന്നതെല്ലാം തികട്ടിവരുന്നു
ഇപ്പോൾ പൊട്ടാൻപോകുന്ന
കുമിളയാണ്ഞാനെന്ന്
ഓർത്തു പോകുന്നു
ചില കാലടിശബ്ദങ്ങൾ വഴിയിലും
വരാന്തയിലും മരിച്ചു വീഴുന്നു
വിജനമായ പാതയിൽ ഞാനുമെൻ്റെ
കാലടി ശബ്ദങ്ങളും മാത്രം ബാക്കിയാവുന്നു
ഡോക്ടറേ,
ഉച്ചരിക്കപ്പെടാത്ത ഒരു വാക്കാണു ഞാൻ വായിക്കാൻ കഴിയാത്ത ലിപി
എഴുതപ്പെടാത്ത ഒരു പുസ്തകത്തിലെ
വായിക്കപ്പെടാത്ത സംഗതികൾ വന്ന്
അർദ്ധരാത്രിയിലെ നിശ്ശബ്ദതയിൽ എന്നോടു -
കലഹിക്കുന്നു
ഡോക്ടറേ,
ഞാൻ ഞാനായി തീരുവാൻ
എന്നെ എന്നാണെനിക്ക് നഷ്ടമാകുന്നത് !!
കാഫ്കയുടെ കഥാപാത്രം പറയുന്നതിൽ നിന്നും
അൽപംവ്യത്യസ്തമായി
'നിങ്ങളുടെ ഊഴം കഴിഞ്ഞു ,എൻ്റെ സമയമായി '
യെന്ന് കാലം എന്നായിരിക്കുമെന്നോട്
പറയുന്നത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ