മനസ്സിൽ
പണിതുയർത്തിയ
പ്രണയത്തിൻ്റെ താജ് മഹൽ
തകർന്നു പോയി
മുറിപ്പെട്ട ഹൃദയവുമായ്
കഠാരമുള്ളുകൾക്കിടയിലൂടെ
നടക്കുന്നു
നഗ്നപാദനായി
മുറിച്ചു മാറ്റപ്പെട്ട പ്രണയത്തിൽ
എൻ്റെ ഗീതകങ്ങൾ
തലതകർന്നു മരിച്ചു
ഇനി നമുക്ക് പുതിയ കുഞ്ഞു വീടില്ല
കവിതയെഴുതിയ പുസ്തകമില്ല
നിനക്കായെഴുതിയവരികൾ
നീ തന്നെ മായ്ച്ചു കളഞ്ഞു
എൻ്റെ ഹൃദയത്തിലെ പക്ഷീ
നീ തന്നെ പക്ഷം മുറിച്ചല്ലോ
മൃത്യുവിൻ്റെ വിത്ത്
നീ തന്നെ പാകിയല്ലോ
ഇനിയെങ്ങനെ
ഞാനും നീയും ചേർന്ന്
ഒരു നക്ഷത്രം വിരിയിക്കും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ