വാക്കുകൾ കോർത്തു
കോർത്തു പോകുമ്പോൾ
വരികൾ മുറിഞ്ഞൂർന്നു
വീഴുന്നു ഞാൻ
വിരകൾ പോലുള്ള
വരികൾ പിടയുമ്പോൾ
ചിതറിപ്പോകുന്നു ചില
വാക്കുകൾ
വ്യാളിപോൽ ചിലവാക്കു
വന്നെന്നെ
വിഴുങ്ങുവാൻ വാ പിളർത്തുന്നു
കവിത മൗനമായ്
കലമ്പുന്നു ഉള്ളിൽ
അക്ഷരം മുഷ്ടിയുയർത്തുന്നു
വ്യഥതൻ വെയിൽ തീയിൽ
വെന്തുരുകുവോളെ
എങ്ങനെ ഞാൻ വരച്ചിടും
ഇരുട്ടറയിൽ
പിടഞ്ഞിടുവേളെ
എങ്ങനെ പടി കടത്തിടും
നഗ്നയായ്
നിണപ്പുഴയിൽ
വീണോളെ
എങ്ങനെ കരകേറ്റിടും
വാക്കുകൾ കോർത്തു
കോർത്തു പോകുമ്പോൾ
വരികൾ മുറിഞ്ഞൂർന്നു
വീഴുന്നു ഞാൻ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ