ആ നീലരാവിൻ വിരൽ തൊട്ടു -
ണർത്തുമ്പോൾ
രാഗാർദ്രയായവളവനെയോർപ്പൂ
ആ വിരൽത്തുമ്പിനാൽ മെല്ലെ തൊടുന്നേരം
പോയൊളിക്കുന്നു മനശക്തിയും
എങ്ങോ മറയുന്നു തൻേറടവും !
സൂര്യാംശു ,യേറ്റുള്ള വെണ്ണപോലെ
തീയേറ്റിരിക്കും അരക്കു പോലെ
കൗമുദിയിൽ ചേർന്ന ചന്ദ്രകാന്തം പോലെ
അലിഞ്ഞു ചേരുന്നു അറിഞ്ഞിടാതെ !
തനു തളരുന്നു തുടിച്ചിടുന്നു
പരസ്പരാലിംഗന ചുംബനാലസ്യത്തിൽ
ആനന്ദാമൃതാബ്ധിയിൽ മുങ്ങിടുന്നു
ലോകം, നിമിഷം നിലച്ചിടുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ