വാട്ടിയ വാഴയിലയുടെ
മണവുമായെത്തുന്നകൂട്ടുകാരോട് -
തോന്നിയിരുന്നു അസൂയ
കുറുക്കൂട്ടിയിലയില്കുരുങ്ങിപ്പോയ -
സ്കൂള് ജീവിതത്തില് .
നിവര്ത്തി വെച്ച ഇലയിലേക്ക്
ഇത്തിരിക്കൂടി ഉപ്പുമാവിടാന്
പപ്പെട്ടനോടുകെഞ്ചി പറയാറുണ്ട്
നിറയാത്ത വയറിന്റെ -
വെറിയൊന്നു മാറ്റാന് .
ഉണ്ട കണ്ണുകള് ഉയര്ത്തി നോക്കുമ്പോള്
കൂമ്പിയ മുഖം കുനിഞ്ഞു പോകാറുണ്ട്
അറിയാതെ ലജ്ജ കൊണ്ട് .
ഉപ്പു മാവിന്റെ കരിഞ്ഞ കട്ട
ഇലയിലേക്ക് തട്ടിയിടുമ്പോള്
മെല്ലെ മുഖമിയര്ത്തി നോക്കും ഞാന്
സ്വന്തം ജീവിതത്തെ എന്നോണം .
ഉപ്പു മാവിന്റെ അവസാനത്തെ തരിയും
നുള്ളി പ്പെറുക്കികഴിയുമ്പോഴാണ്
കുഞ്ഞു വയറും പൊത്തി കരയുന്ന
കുഞ്ഞു മോളുടെ മുഖംഓര്മ്മയിലെത്തുക
അതുകൊണ്ടായിരിക്കണം
ഇന്നുമൊരു കുഞ്ഞു കരയുമ്പോള്
ഒരു നിമിഷം
ഒന്ന് തിരിഞ്ഞു നോക്കി പോവുന്നത്
2010, ജൂലൈ 21, ബുധനാഴ്ച
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ