ചാക്കോച്ചന്റെ ചായക്കടയിലെ
പഴയ റേഡിയോയില് നിന്നാണ്
ഞാനാദ്യമായി പാട്ട് കേട്ടത്
പലഹാര പെട്ടിയുടെ മുകളില്
കുത്തനെ നില്ക്കുന്ന ഏരിയലില് നിന്ന്
ഒരു ചെമ്പു കമ്പി താഴേക്ക് നിലത്തിട്ടു -
ഏര്ത്ത് പിടിപ്പിച്ച് .
രാവിലെ എന്നും ഞങ്ങള് കുട്ടികള്
കടയ്ക്ക് ചുറ്റും കൂടി നില്ക്കും
വാര്ത്തയും, പാട്ടും കേള്ക്കുമ്പോഴും
കണ്ണ് പലഹാര പെട്ടിയില് ആയിരിക്കും
സ്വാദുള്ള ഭക്ഷണം കഴിച്ച പോലെ
ഉമി നീര് ഇറക്കി ക്കൊണ്ടിരിക്കും
ചൂലുമായി ചാക്കോച്ചന്
ആട്ടി ഒടിക്കുംപോഴാണ്
ചിതറി ഓടുകയും
സ്കൂളിന്റെ കാര്യം ഓര്ക്കുകയും ചെയ്യുക
ആഗ്രഹങ്ങള് പറഞ്ഞു കൊണ്ട്
ഉറങ്ങാതെ കരഞ്ഞ
എത്രയോ രാത്രിക്ക് ശേഷ മാണ്
അച്ഛന് ആദ്യമായി ഒരു 'മര്ഫി' -
റേഡിയോ വാങ്ങിയത്
അയല്ക്കാരെആശ പിടിപ്പിക്കാന് -
അച്ഛനെന്നും പാട്ട് ഉച്ചത്തില് വെയ്ക്കും
ശബ്ദംഅസഹ്യ മാകുമ്പോള്
ഇതൊരു മറപ്പായല്ലോ എന്ന് അമ്മ
ഒച്ച ഉയര്ത്തി പ്രാകും
2010, ജൂലൈ 23, വെള്ളിയാഴ്ച
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ