കാഴ്ച്ച

കരഞ്ഞു കരഞ്ഞു തളര്‍ന്ന കുഞ്ഞ്
അമ്മിഞ്ഞ പോലെ കുടിച്ചു -
കഞ്ഞി വെള്ളം
ഉറുഞ്ചി ക്കുടിക്കാന്‍ പാകത്തില്‍
തള്ള വിരല്‍ വായിലെക്കുവെച്ചു
ഒക്കത്ത് തട്ടി നടന്നു
പാപ്പാത്തി പോലൊരേച്ചി
വെയിലിന്റെ വക്കത്തു നിന്ന്
തണലിന്റെ ഓരത്തില്
പറങ്കിമാം തൊട്ടിലില്‍
താളത്തില്‍ താരാട്ടി
കാറിക്കരയുന്ന കുഞ്ഞിനെ.
പൊന്നീച്ച പാറുന്ന
പൊള്ളുന്ന വെയിലില്
കണ്ണും നാട്ടു കാത്തിരുന്നു അമ്മയെ .
മയ്യല് എത്തുമ്പോള്‍
മെയ്യാകെ ചെളിയുമായി
മുഷിയാത്ത മുഖവുമായി
പാഞ്ഞെത്തുമമ്മ.
പിന്നെ ഒരു പൂരമാണ്‌
പാപ്പാത്തിയെപ്പോലെ
പാറിനടക്കും ഏച്ചി
അമ്മയുടെ മാറില്
പറ്റിച്ചേര്‍ന്നു കിടന്നു
പിഞ്ഞിത്തുടങ്ങിയ കുപ്പായം
ഇനിയെങ്ങും വിടില്ലെന്ന്
മുറുക്കിപിടിക്കും വാവ

--------------------------------
മയ്യല്=സന്ധ്യ