അന്യരാകുമ്പോള്‍

നമ്മുടെ കണ്ണുകള്‍
നമ്മില്‍നിന്നുമകലുന്നു
അടുത്തവീട്ടുകാരന്റെ
അകത്തളത്തിലെത്തി-
നോക്കുന്നു
കാറ്,ടി.വി,ഫ്രിഡ്ജ്,-
കമ്പ്യൂട്ടര്‍
അത്താഴവിരുന്നുഅതികേമം.
അജത്തിനു ഗജമാവാന്‍ മോഹം
ദുരയില്‍നിന്നു ദുരന്തം തുടങ്ങുന്നു
വട്ടിപലിശക്കാരന്‍കൊട്ടക്കണക്കിനു
പണം നല്‍കുന്നു
കൊള്ളപലിശ കൊടുക്കുവാനാകാതെ
കെട്ടു പോകുന്നു ജീവിതം .
നമുക്ക് നമ്മളെ അറിയുന്നില്ല
നാം അന്യരായിമാറുന്നു
പ്രലോഭനങ്ങളുടെപടി കയറുമ്പോള്‍
കൂട്ട് വരുന്നത് കൂട്ടമരണം