പൂർവ്വാംബരത്തിൽ പരക്കുന്നു നീളെ
സ്വച്ഛമാംശുഭ്രമേഘപ്പരമ്പര
പാടേയൊഴിഞ്ഞുപോയ് പാടലമെല്ലാം
പൊന്നുപോൽ ചുറ്റും കതിർചിന്നി നിൽപ്പൂ
പതുക്കെപൊന്തും കുന്നത്തുചെമ്പഴം
കൊത്തുവാൻ കിളിക്കൂട്ടങ്ങൾ പാറുന്നു
കൊച്ചു പെൺകുഞ്ഞുപോലെയാ മുറ്റത്ത്
കൊച്ചരിപ്പല്ലുകാട്ടുന്നരിമുല്ല
പിച്ചവെച്ചു വന്നെത്തുന്ന ചെങ്കതിർ
പിച്ചകത്തിൻ്റെ കൈപിടിച്ചീടുന്നു
കൊച്ചു മഞ്ഞക്കിളി, സൂചിമുഖികൾ
കുശലവും ചൊല്ലി കൂടെയെത്തുന്നു
എന്തുചന്തമീ പുലരിയെക്കാണാൻ
പാരിലെന്തുണ്ടിതിലേറെ ഭംഗിയായ്
എത്ര ചിത്രം! മനോഹരം പ്രകൃതി
എന്നും നമിച്ചിടാം നേരിൻ്റെ സക്തി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ