കുന്നിൻ മുകളിൽനിന്ന്
അകലേക്കു നോക്കിയാൽ
കാറ്റിൻ്റെചില്ലയിൽ ചിറകുവിടർത്തി
ഒരു പക്ഷിയിരിക്കുന്നതു കാണാം
കുന്നിൻ മുകളിൽനിന്ന്
താഴെ അഗാധതയിലേക്കു
നോക്കിയാൽ
ചിറകടിനിലച്ച് നിശ്ചലമായ
നമ്മെതന്നെ നാം കാണുന്നതു -
പോലെ
ആഴമേറിയ ആകാശത്തിനും
അഗാധതയ്ക്കുമിടയിൽ
കിളിത്തൂവൽ പോലെ ഭാരമറ്റ് -
നിൽക്കേണ്ടി വരുന്ന ഒരു ധ്യാന -
നിമിഷമുണ്ട്
അന്നേരമാണ് നാമെന്തെന്ന്
നമ്മിലേക്ക് നാം തന്നെ
എത്തി നോക്കുന്നത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ