രാത്രിയിൽ
തുറസ്സിൽ
മലർന്നു കിടന്ന്
നിങ്ങൾ മരിച്ചവരെക്കുറിച്ച്
ചിന്തിച്ചിട്ടുണ്ടോ ?!
എല്ലാ കെട്ടുപാടും പൊട്ടിച്ച്
മരണത്തിൻ്റെ വഴിയേ നടന്നു
മറഞ്ഞവർക്ക്
ആദർശങ്ങളുടെയും
പ്രതീക്ഷകളുടെയും ആവശ്യമില്ല
തെറ്റുകളില്ല
നുണകളില്ല
വഞ്ചനയില്ല
മനസാക്ഷിയുടെ ആവശ്യമേയില്ല
വർണ്ണവിവേചനവും
വർഗസമരവും
പ്രത്യയശാസ്ത്രവും
ന്യായാന്യായങ്ങളോയില്ല
നിലനിൽപ്പുകളെക്കുറിച്ച് ചിന്തിക്കുക -
യേ ചെയ്യേണ്ടതില്ല
നോക്കൂ ;
മരിച്ചവരെക്കുറിച്ച്
ആലോചിച്ചാലോചിച്ച്
ജീവിതത്തിലേക്കൊരു തിരിച്ചു വരവുണ്ട്
അപ്പോഴാണ് നാമറിയുക
എരിഞ്ഞു കൊണ്ടിരിക്കുന്ന
നക്ഷത്രമാണ് മനുഷ്യനെന്ന്!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ