നിശ്ശബ്ദതയുടെ നിഴലുകൾ
അങ്ങോട്ടുമിങ്ങോട്ടും നടക്കും
തുരുമ്പിച്ച വിജാഗിരികൾ
ചുമച്ചു കൊണ്ടിരിക്കും
മുറ്റം തൊടിയിലേക്ക്
മൂക്കുകുത്തി വീഴും
അകത്തളം
ആസ്ത്മയാൽ വലയും
അടുപ്പ്
ചുരുണ്ടുകൂടി കിടക്കും
അടുക്കള
അരഭിത്തിയിൽ കയറി
കാക്ക
പൂച്ച
പട്ടി
അവിടെയെങ്ങാനുമുണ്ടോന്ന്
വിളിച്ചു ചോദിക്കും
അലക്കു കല്ല്
തലതല്ലിക്കരയും
ഇറങ്ങി നടന്ന
ഇറങ്കല്ലിനെ
ഉമ്മറപ്പടി
കാത്തിരിക്കും
2021, ജൂലൈ 6, ചൊവ്വാഴ്ച
സ്ത്രീകളില്ലാത്ത വീട്
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ