ഞാൻ മരിച്ചാൽ
നീയെന്നരികിലേക്കു വരരുത്
നിൻ്റെ കലങ്ങിയ കണ്ണുകൾ
എന്നെ കരയിക്കും
ഞാനാദ്യമായിതന്ന ആ ചുംബനം
തിരിച്ചു തരരുത്
നിനക്കു തന്നതൊന്നും
മടക്കി വാങ്ങിക്കുവാനായിരുന്നില്ലല്ലോ
എൻ്റെ മുന്നിലിരുന്ന് വിലപിക്കരുത്
വിലയേറിയതൊന്നും ഇനിയും -
തരുവാൻ കഴിയില്ലല്ലോ
വാശിയിറങ്ങിപ്പോയ ശരീരത്തിൽ -
ശക്തിയില്ലിനിനിന്നെ ശകാരിക്കാൻ
കരഞ്ഞു തളരാതെ വേഗം മറക്കണം
പകുത്തുതരുവാനൊന്നുമില്ലിനിയെന്നിൽ
ഒറ്റയാവരുത് നീ കൂട്ടിനൊരാളെക്കൂട്ടുക
കൊടിയ വേദനയ്ക്കു മറുമരുന്നിതൊന്നു -
മാത്രം
ജീവിതമിതെന്തെന്നറിക നീ!
ഞാനെന്തായിരുന്നെന്നും! അങ്ങനെ ഒരി-
ക്കൽ മാത്രമൊന്നു നീയെന്നെയോർമ്മിക്കുക
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ