കൂർത്തമുനയിൽ കോർത്തുവച്ചതാണ് ജീവൻ
എപ്പോഴാണ് നെഞ്ചുതുളച്ച്
ചുവന്നു പോകുന്നതെന്നറിയില്ല
കരിമ്പനയിൽ കാത്തിരിപ്പുണ്ടാകും -
യക്ഷി
ഇത്തിരിചുണ്ണാമ്പിനായി തിരഞ്ഞു -
കൊണ്ടിരിക്കുന്നുണ്ടാകും
വ്യാഘ്രം വഴിയിലുണ്ടെന്ന്
മുയൽക്കുഞ്ഞിനറിയാം
ഏതുവളവിലെന്നുമാത്രം അറിയില്ല
നൃപൻ്റെ നൃശംസതയിൽ
നിരാലംബജനത
ജീവകോശത്തിനുള്ളിൽ
കൂടുകൂട്ടികൊറോണ
വായുവിൻ്റെകരയിൽ വായുവിനായി
പിടയുമ്പോൾ
വേദനഞരമ്പുകളിൽ
രക്തമുറയുമ്പോൾ
കൂടുവിട്ടുകൂടുമാറുന്ന
പക്ഷിയാകുന്നുജീവൻ
നൃപൻ ശത്രുവിനെതിരഞ്ഞുകൊ-
ണ്ടിരിക്കുന്നു
രക്തത്തിലൂടെ
ശവത്തിലൂടെ
തേരുതെളിക്കുന്നു
ആലംബഹീനർ
അരികുപറ്റി നിൽക്കുക
അന്തപ്പുരത്തിലേക്കെത്തുന്ന
ഔഷധത്തിന് ആരാധനയർപ്പിക്കു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ